Igbosu Pere of Niger Delta Don Dey Reason to Sell Im One-Storey Mansion to Chief Promise Lawuru as Christmas Dey Near
Igbosu Pere of Niger Delta Don Dey Reason to Sell Im One-Storey Mansion to Chief Promise Lawuru as Christmas Dey Near
By Dr Odimientimi Agbedeyi
As hunger and serious economic wahala still dey bite many homes across Nigeria, the Igbosu Pere of Niger Delta don jokingly scatter social media with one kain statement wey don make people laugh and still think deep.
According to wetin he yarn, the traditional figure say him dey even reason whether to sell him one-storey palace house for just ₦3 million give High Chief Promise Lawuru as Christmas dey near so.
He talk am for one humorous post wey carry the caption:
“Abi ma sell this my palace house 3 million give High Chief Promise Lawuru?This wan wey Christmas wan reach so… 🤨🤨IGBOSU PERE MINDSET.”
Even though the talk get plenty humor inside, e still reflect the real struggle wey Nigerians dey face as the festive season dey approach. Prices of food, transport, and basic things don climb high, making many families dey confused on how dem go take celebrate Christmas this year.
The Igbosu Pere message na one small joke wey carry big meaning — say even people wey get small comfort still feel the heat of the current economic situation.
People for Niger Delta and beyond don react with mixed feelings—some dey laugh, others dey reflect on how the country don reach level wey person fit use palace take crack ‘survival joke.’
No matter the humor, the message clear: Nigerians dey struggle, and the season wey suppose bring joy dey come with pressure.
Source: Social Media Comments / Community Reactions
Contact Global Egberi Media International
📞 0813 490 2214
📧 globalegberimedia@gmail.com
🌐 globalegberi.blogspot.com
Comments